المواضيع الأخيرة | » معلمومات عن سراقب قد لا تعرفهاالجمعة نوفمبر 10, 2017 9:06 am من طرف المدير العام» دعاء نسأل الله القبولالإثنين يوليو 31, 2017 1:51 am من طرف المدير العام» ,, كن كـالماء ’’اينما وقع نفع .الأربعاء مايو 03, 2017 4:07 am من طرف أميرة الصحراء» سجل حضوركً اليوٍمٍي بـٍ " آ‘يــة .. حًدٍيٍثْ .. دٌعًـآ‘ءْ ""الأربعاء يناير 18, 2017 11:59 am من طرف المدير العام» السلام عليكم ورحمة الله وبركاته اخوتي الجمعة نوفمبر 04, 2016 12:40 pm من طرف المدير العام» لمحة عن مدينة سراقبالإثنين مارس 10, 2014 1:03 pm من طرف المدير العام» سلام عليكمالأحد يناير 06, 2013 11:28 am من طرف سكينة» تحويل ملفات Word Doc إلى ملفات PDF بدون برنامجالسبت أكتوبر 13, 2012 4:43 am من طرف نبيل البديري» ابيات من الشعر الحلبي المؤثرالأربعاء سبتمبر 12, 2012 10:50 pm من طرف زائر |
أفضل 10 أعضاء في هذا المنتدى | |
احصائيات | هذا المنتدى يتوفر على 318 عُضو. آخر عُضو مُسجل هو محمود الحجي فمرحباً به.
أعضاؤنا قدموا 2028 مساهمة في هذا المنتدى في 757 موضوع
|
| | البنت السورية بنظر الشباب!!!!؟؟؟؟؟؟؟؟؟؟؟؟ | |
| | كاتب الموضوع | رسالة |
---|
sofia مشرفة
تاريخ التسجيل : 07/06/2009 الجنس : عدد المساهمات : 109 نقاط التميز : 11123 مزاجي : اوسمتي .1 : اوسمتي .2 :
| موضوع: البنت السورية بنظر الشباب!!!!؟؟؟؟؟؟؟؟؟؟؟؟ الثلاثاء يوليو 13, 2010 5:34 am | |
| اولا: اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين. 2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني. 3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.
ثانياً- مسنجرياً: 1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو. ( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي. 2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها.. 3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها. 4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.
ثالثا: في الشارع: 1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم. 2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. صانصيلك. 3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شراية ماركات و لفتت نظرها قطعة ما بتتفوت رابعا: في المحلات التجارية: 1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور.... 2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن. 3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها | |
| | | المدير العام المدير العام نلتقي لنرتقي
تاريخ التسجيل : 29/05/2009 الجنس : عدد المساهمات : 1018 نقاط التميز : 12697 برجي : مزاجي : اوسمتي .1 : اوسمتي .2 :
| موضوع: رد: البنت السورية بنظر الشباب!!!!؟؟؟؟؟؟؟؟؟؟؟؟ الثلاثاء يوليو 13, 2010 11:20 am | |
| كل هاد الشي على البنت السورية ..والله شي غريب مع العلم انا حاليا بسوريا بس ما بلاحظ هيك شي ...اختي اولا شكرا لموضوعك وتانيا لو سمحتى بلا هيك مواضيع بالمنتدى لان رح تصير فتنة
تقبلي تحياتي | |
| | | hioo888 عضو فضي
تاريخ التسجيل : 19/11/2010 الجنس : عدد المساهمات : 152 نقاط التميز : 10181 مزاجي : اوسمتي .1 : اوسمتي .2 :
| موضوع: رد: البنت السورية بنظر الشباب!!!!؟؟؟؟؟؟؟؟؟؟؟؟ الإثنين ديسمبر 13, 2010 9:52 am | |
| هالفقرتين حلوين كتير
ضحكوني موت
- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم. 2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. صانصيلك | |
| | | | البنت السورية بنظر الشباب!!!!؟؟؟؟؟؟؟؟؟؟؟؟ | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |